Seniornett Sula og Sula bibliotek samarbeider om eit tilbud om digital veiledning. Fram til hausten 2022 har Sula bibliotek organisert “digihjelpa” i Sula. No er det danna ei lokalforeining av Seniornett på Sula, så no blir det eit samarbeid framover.
Det er planar om medlemsmøte, kurs og høve til å få individuell hjelp. Tema vil spenne frå det heilt enkle og til det som godt erfarne databrukarar syslar med.
I oppstarten er vi 7 frivillige som startar opp som hjelparar. Etter kvart har vi håp om at andre og vil melde seg til å hjelpe til med sin kompetanse. Det er eit mål at samlingane skal ha eit sosialt preg og vi skal hjelpe kvarandre med å kome litt vidare med bruk av mobil, nettbrett og datamaskin.
I februar startar vi opp!
